روح بطريقك وانا لي رب ينصفني

لاجل عيون اللي كان بيني وبينـك
أبقفي عنك وجرح الغـدر يسكننـي
ما دام قلبي ببسآطه خانتـه عينـك
روح بطريقك وانا لي رب ّ ينصفنـي
ياللي أنا كنت مثل الكنـز بايدينـك
واللي حلفت إنّك بإخلآص تعشقنـي
وما تترك شفاي عنك تسآلك وينك ؟
وما تترك بكاي طول الليل يقهرنـي
وابقى لك الروح ودمّ ٍ في شرآيينـك
واحبّك وفيك كـل لحظـه تعلقنـي
وتحلّي أيآمي وانـا احلّـي سنينـك
وتخلي حلمي حقيقه يـوم تحضنّـي
واليوم اشوف اختلال ٍ في موازينـك
ما عدت عنّك بمرسآلـك تطمنّـي
تبعد ويمنآي تولـه حيـل ليمينـك
واكتب لك الشعر وانته مـا تعبّرنـي
وارد أسأل واقول يالغلا وينـك ؟؟
وما القي اجابات عنّك بس تنشدنـي
واثرك معا غيري تلعب آآه يا شينـك
تطعن فـؤآدي وتغدرنـي وتظلمنـي
بعدما كنت الأسيـر بيـن خدّينـك
حفظتك وجيت بسهامـك تبآغتنـي
أعميتني والا لو بقـرآ عناوينـك ؟
بلقى الكذب عنْك جآني هو يعرّفنـي
روّح وبكره يجي لك خآين يهينـك
وتجي لحدي تقول ارجـوك سآمحنـي
وأقول : سدّد يا خآين بالندم دينـك
محآل أحبّك وصعبه حيـل توصلنـي